PrUB, MS 5
© Marc Schmidt, Berlin (2003)
Nicht zum gewerblichen Gebrauch. – Kopieren ("Spiegeln") untersagt. – Vollständige oder auch auszugsweise Wiedergabe im Internet und in anderen Medien ist nicht erlaubt (mit der Ausnahme wissenschaftlicher Zitate).
{Überlieferung}
A = OBA 7590.
{Drucklegungen}
--
{Regest}
JH I 7590.
{Diplomatische Erörterung des Stücks}
Originalbrief auf Papier.
Dem hogwirdigen herren hern Pauwl homeister dewtzsches ordens unserm besundern lieben herrn und gunner, ane allis sewmen. Sunderliche ernste macht lieth dor anne.
Hogwirdiger besunder liebir herre und gunner: Unser kirchen thumprobst hat uns dirczalt, das ir vaste eyn swer gemute habet von den vorgangen geschefften, in der sachen von dewtzschen landen und das ir euch vorseget eyner zcusampnekomunge bin korcz. So vormuth her sich doch wol, das die vorczogen wirt, von disser clegelichen pestilencien wegen. Dorumb bitten wir euwir hogwirdikeit mit fleisse, wurde sich die zcusampnekomunge vorczihen, das ir uns deme weldet setczen eyne gelegelich stad und tag, wir welden zcu euch komen und handelunge do von haben und ane czweiffel euch so underrichten mit der worheit, das ir keyn swer gemute vorbas dorffet haben, und hette euwir herlichkeit .y. mir uns selbir handelunge do von gehat, so thete is euch und uns keyne not. Wurde euch der weg gefallen, so were is gancz gut, das zcum mynsten disse nochgeschreben hern do bey weren, Elbing, Cristburg, Grudencz und der pharrer von Danczk. Geschit das, so werdet ir des [durchgestrichen: gerne] underweist, das euch in den sachen als wir wenen, noch wirt seyn und beqweme, und begern bey dissem boten eyn antwert. Gegeben uff unserm huwsze Seeburg am Dinstage noch Assumptionis Marie im etc. XXXIXen Iare.
{Inhaltliche Anmerkungen}
1) Bischof von Ermland 1424-1457; s. Die Bischöfe
des Heiligen Römischen Reiches 1448-1648. Ein biographisches Lexikon,
hg. v. Erwin Gatz, Berlin 1996, S. 398f.